:: The Materialistic Worldview ::

:: 25 apríl, 2006 ::

Er algerlega vindlaus þessa í dag! Í gær kláraði ég loksins rannsóknaráætlunina og sendi hana til Ian og Geraldine. Ian var reyndar búinn að kommenta mjög mikið á plaggið og sagði að ég þyrfti sosum ekkert að bregðast við þessum athugasemdum hans. Fannst samt réttara að gera það og sendi plaggið til þeirra allt lagað og fínt. Tölti svo núna áðan upp á efri hæðina hér í Cois Abhainn (sem þýðir Við ánna) og spjallaði við Mark Elliott sem er heilalínuritssérfræðingur og mun væntanlega fara yfir áætlunina mína síðar. Hann sá ekkert að henni þannig að loksins er farið að líta út fyrir að þetta fari formlega í gegn. Jibbí kóla!!

Ætla að halda upp á þetta í kvöld með því að fara í þolpróf í salnum þar sem ég æfi. Aldeilis hvað ég er hollur inní mér. Annars er Janina farin að hafa áhyggjur af heilsunni hjá mér :D Málið er að hún sér mig sjaldan borða (ég borða oftast í skólanum eða þegar hún er ekki heima), ég er að reyna að vera duglegur að fara að æfa og er núna með skrefmæli á mér alla daga til að reyna sjá hvað ég eyði mikið af kaloríum :þ Hún heldur að ég sé að fá anorexíu örugglega! En, ég bæði borða og drekk nóg til þess að halda mallakút til staðar.

Var að hlusta á Van Morrisson þegar ég tölti heim í gær og þar söng hann þessar línur:
All the orange boxes are scattered
Against the Safeway Supermarket in the rain.
And everybody feels so determined
Not to feel anyone else's pain.

No one's making no commitments
To anybody but themselves,
Talkin' behind closed doorways,
Tryin' to get outside, get outside empty shells.

Þetta er úr laginu St Dominics Preview af samnefndri plötu sem hann gaf út árið 1972 þegar hann bjó í San Fransisco, merkilegt hvað lítið hefur breyst. Kannski helst það að árið 1972 var þetta ástand mest áberandi í USA en núna er þetta komið út um allt.
Best að ég komi mér heim og undirbúi mig undir átök kvöldsins! :)

:: Jón Grétar 14:50 [+] ::
...

Kominn heim til Galway

Þá er ég kominn heim til Galway eftir langa fjarveru, 3 vikur alls. Byrjaði á því að fara til Báru í Wales í viku. Þá kom félagi minn héðan frá Galway, hann Mike til okkar og við tókum Báru og Janet vinkonu hennar í road trip til norður Englands (Ambleside og Once Brewed nánar tiltekið) og svo þaðan til Skotlands til eyjunnar Arran þar sem við skoðuðum höllina á eyjunni og fórum í fjallgöngu. Eftir það var farið til Stirling þar sem við skoðuðum kastalann þar sem Skotarnir börðust oft við Englendingana (og unnu) og minnismerkið um William Wallace (Braveheart). Eftir það fórum við til Edinborgar í tvær nætur og nutum þess að vera í höfuðborg Skotlands. Eftir það fórum við til Melrose þar sem við gistum í ágætis gistiheimili en borðuðum á vondum veitingastað sem einhver hafði gefið 4 stjörnur.
Myndir úr ferðinni eru á síðunni hennar Báru, endilega kíkið þangað :)

Þegar þessu var lokið kíkti Bára til Íslands í fermingu hjá Ingibjörgu frænku sinni en ég fór til Búdapest í nokkra daga. Ég féll algerlega fyrir borginni og er alveg viss um að ég fer þangað aftur. Nánar tiltekið þá fer ég þangað í lok maí á námskeið í heilalínuritatækni. Í Búdapest kíkti ég á kastalann og minnismerkin í Buda og gekk um strætin í Pest og skoðaði Basilikuna. Frábært alveg hreint!

Núna er ég kominn aftur til Galway og Bára er hjá mér og fer ekki fyrr en á sunnudag. Á fimmtudag kíkjum við til bæjarins Kilkerrin sem er hér fyrir utan Galway og heimsækjum foreldra hans Mike, gistum þar og fáum að finna fyrir alvöru írskri sveitastemmingu.

:: Jón Grétar 21:17 [+] ::
...