:: The Materialistic Worldview ::

:: 20 maí, 2007 ::

Á faraldsfæti (English below)

Þá er að koma að því. 12 tímar rúmir þangað til ég fer til Bandaríkjanna á fyrstu alþjóðlegu ráðstefnuna og heimsókn til fjölskyldunnar þar. Rosa gaman. Ferðin mín byrjar um 3 í nótt þegar ég fer á rútustöðina, tek rútu klukkan 3.30 sem kemur á flugvöllinn klukkan 5 um morguninn. Það skemmtilega er að ég get ekki tékkað mig inn fyrr en klukkan 8 þannig ég hef 3 tíma að gera ekki rassgat á Shannon. Flýg svo klukkan 11 í rúma 6 tíma til Philadelphia þar sem ég verð í 3 tíma áður en ég fer í annað rúmlega 6 tíma flug til Los Angeles. Þar sækja Mark og Henry mig og við keyrum í tvo tíma í viðbót og þá verð ég kominn á leiðarenda. Allt talið, þá verður þetta um 24 tíma ferðalag. Rosalega held ég að þetta verði spennandi ferð!

On the move

It's almost there. Just over 12 hours until I leave for America for my first international conference and my family there. Fun fun. My trip starts at 3 AM when I have to go to the bus stop. The bus leaves for the airport at 3.30 and arrives at the airport at 5 AM. The fun part is that I cant check in until 8 so I have 3 hours to do jack shit at the wonderful Shannon airport. Fly out at 11 for more than a 6 hour flight to Philadelphia. I wait for 3 hours at Philly before boarding another 6 hour flight to Los Angeles. In LA Mark and Henry will pick me up and we drive for two hours to Barstow. All in all this trip is well over 24 hours. I think this will be a very exciting trip!

:: Jón Grétar 14:02 [+] ::
...

Five Germans in an Audi Quattro arrive at the Italian border. An Italian police officer stops them and says:
"Itsa illegala to putta five-a people in a Quattro!"
"Vot do you mean, zat ist illegal?" the German driver asks.
"Quattro means a four!" the policeman answers.
"Quattro iz just ze name of ze fokken automobile" the German shouts ..."Look at ze dam paperz: Ze car is dezigned to carry 5 people!"
"You canta pulla thata one on me!" says the Italian policeman. "Quattro meansa four. You havea five-a people ina your car and you are therefore breaking the law!"
The German driver gets mad and shouts
"You ideeiot! Call ze zupervizor over! Schnell! I vant to spik to zumvun viz more intelligence!!!"
"Sorry" the Italian says, "He canta comea . He'sa buzy with a two guys in a Fiat Uno."

:: Jón Grétar 14:04 [+] ::
...

Á leið til Ameríku! (english below)

Þá er að koma að því, er á leiðinni til Ameríku. Er að fara að heimsækja frænku mína og fjölskyldu hennar í Barstow sem er rétt fyrir utan Los Angeles og kíki svo á ráðstefnu í San Diego í nokkra daga líka. Var svo heppinn að fá student presenter grant frá samtökunum sem standa fyrir ráðstefnunni þannig að ég þarf ekkert að borga þar :D Jibbý kóla!

Annars er ég alveg að farast úr stressi yfir þessari ráðstefnu. Á að vera með tvo fyrirlestra þarna, annan um rannsóknina mína og svo tek ég þátt í pallborðsumræðum um stöðu atferlisgreiningar á heimsvísu. Ég á víst að vera rödd stúdenta í Evrópu... fyndið.

Fer á mánudag og kem aftur 4 júní! Sunny California here I come!!!
----

It's almost there now, I'm going to the Schtates (Irish pronunciation). Going to visit my aunt and her family in Barstow, a small town outside of LA and then pop into a conference in San Diego for a few days. Was lucky enough to get the student presenter grant from the association that is hosting that conference so I don't have to pay that :D Jibbý kóla! (don't ask, Icelandic thing).

But, I am almost doubling over out of stress because of that conference. I am supposed to present twice there. Once on my research and then I am in a panel discussion about the status of behaviour analysis internationally. I am supposed to be the voice of students in Europe... funny.


Going on Monday and coming back to the Emerald Isle on the 4th of June. Sunny California, here I come!!!

:: Jón Grétar 13:55 [+] ::
...

Kosningar

Þá er að koma að því, einn skemmtilegasti tíminn á Íslandi, alþingiskosningar, er að nálgast. Það er fátt skemmtilegra en að fara í fjölskylduboð, partý og alls kyns samkomur og heimsóknir þessa dagana. Allstaðar er talað um pólitík, rökrætt, hvað hefur ríkisstjórnin gert gott, hvað hefur hún gert slæmt og þar frameftir götunum. Rosa gaman að æsa fólk upp og æsast sjálfur aðeins upp. Því miður get ég ekki tekið þátt í þessum umræðum þetta árið þar sem ég er staddur á Írlandi en ég er samt búinn að kjósa. Ferðaðist alla leið til Dyflinnar, 3 tímar í lest hvora leið, til að hitta ræðismanninn og kasta atkvæði mínu. Nú er bara að vona að samantekin ráð írsku og bresku póstþjónustunnar verði ekki til þess að atkvæðið mitt týnist eða komi heim einhverntíman í september. Kæmi mér ekki á óvart.

Velti vel og lengi fyrir mér hvað ég ætti að kjósa. Hef alltaf talið mig vera rétt vinstra megin við miðju, nettan sósíalista sem samt styður frelsi í atvinnumálum (fínt að einkavæða eitthvað). Hef því aldrei getað kosið Sjálfstæðisflokkinn, eitthvað yfirmáta spillt yfirbragð á honum og einhver durgsháttur yfir vötnum þar. Hann hefur líka náð því að vera algerlega ópólitískur og það er kannski það sem þarf til að halda völdum.

Var einu sinni frammari, fannst það eiginlega rökréttast og finnst það enn miðað við það sem flokkurinn segist vera. Miðjuflokkur. En það er munur á því sem fólk segir og gerir, sérstaklega frammarar. Finnst flokkurinn vera full stóriðjuglaður og svo er nú nýjasta útspil Jónínu ekkert að gera mig sérlega glaðann. Ekkert XB

VG eru ágætis kostur, náttúrusinnar og vilja vernda það sem mér þykir hvað vænst um í heiminum, Íslenska náttúru. Það verður samt að segjast að ég treysti eiginlega ekki lopapeysufólkinu til þess að hafa mikil áhrif á utanríkisstefnuna okkar. Ég hef séð hvað EU aðild gerði fyrir Írland og held að við hefðum bara gott af því að ganga í það. Við erum Evrópubúar, ekkert síður en Íslendingar. Svo finnst mér undarlegt að sjá Steingrím J. gaspra um spillingu, lét hann ekki malbika veginn heim til sín þegar hann var samgönguráðherra?

Frjálslyndir... segjast vera með nýja stefnu í innflytjendamálum en ekki vera rasistar. Málið er bara það að það eru ágætis innflytjendalög á Íslandi, þeim er bara ekki framfylgt almennilega þannig að hingað fær fólk að vera lengi án leyfa og fólk sem kemur hingað er sáralítið aðstoðað við að læra íslensku. Kýs ekki rasistaflokk, sama hvað hann kallar sig.

Íslandshreyfingin... ágætur kostur en ekki fyrir mig. Þegar Margrét Sverris talaði fyrir því að setja „óhefðbundnar lækningar" inn í almannatryggingakerfið var mér nóg boðið. Ég vill ekki borga fyrir það! Hef líka hallast til vinstri þannig að ég væri bara að eyða mínu atkvæði með því að kjósa þetta lið. En hvet hægri græna til að kjósa þá engu að síður.

Þá er bara Samfylkingin eftir. Finnst nú oddviti þeirra í Kraganum ekkert sérlega spennandi, kemur mér fyrir sjónir eins og hálfgert flokksdýr með lítinn brodd. Hef hins vegar mikla trú á Gumma Steingríms, hann virðist hafa smá eldmóð og er líka rökfastur. Góður strákur bara. Stefna Samfylkingarinnar er kannski ekki sú traustasta (virkja, ekki virkja, virkja, ekki virkja... Fagra Ísland!!, EU.... geymum EU.... E....hhh hvað??) en ég held að það sé kominn tími til að breyta.

Er svosem hægt að segja að eitthvað sé traust í pólitík nema að Framsókn og Sjálfstæðisflokkur munu halda helmingaskiptum áfram bak við tjöldin og drekkja sem mestu af hálendi Íslands þrátt fyrir takmarkaðan gróða. Það er nefnilega svo gott að pissa í skóinn sinn.


Kíkið á gummisteingrims.blog.is og setjið svo Gumma í fyrsta sætið!

:: Jón Grétar 08:25 [+] ::
...